روتين عناية العيد

🚨 حابه انوه من البداية ان هذي التدوينة للبنات فقط

اهلاً يا أصدقاء.. اليوم حابه أشارك معكم روتين عنايتي للعيد بإذن الله. طبعاً هو عميق فمايصير اسويه يومياً او أسبوعياً، فلذلك انا احب اطبقه كل نهاية شهر او كل بداية شهر . انا احب احط جدول للعناية بجسمي ، اقسمها على أيام يعني ما اسوي عناية كامله بيوم واحد . اولاً لانه تعب 🥹 وثانياً انا عندي اشياء ثانية اسويها بحياتي والعناية تأخذ وقت صراحه. ويصير خلال الشهر اسوي عناية بسيطه لنفسي. طيب ايش رأيكم نبداء من الشعر الى القدم اجلكم الله افضل صح

اليوم الأول- عناية الشعر

اول خطوه اسويها احط زيت بشعري ، والزيت انا اسويه بالبيت واخليه لمدة ساعه ونص تقريباً واغسل شعري مرتين بالشامبو. مره الفروه فقط والثانيه الفروه وشعري كامل ، وبعدها احط بلسم لمدة دقيقتين واغسله بالماء. الخطوه الثالثه اطبق ماسك الترطيب العميق لنص ساعه والبس طقيه حراريه عشان شعري يستفيد من الماسك افضل

بالنسبه للماسك هذا انا ناسبني كثير ماشاء وفيه ناس رح تقول مو كويس وفيه كحول ماعدت اهتم صراحه. انا اول ماقصيت شعري كنت اخاف وما استخدم غير منتجات طبيعيه مافيها سلفيت ،سيليكون وبيرابين وادقق كثير . بس كنت اشوف ان مو كل المنتجات شعري حبها والمشكله انها جداً غاليه واضطر استخدمها الى ان تخلص عشان حرام فلوسي الي دفعتها عليها . فبعدها صرت استخدم اي منتج مامشي وراء كلام احد المهم ان شعري حبه ويعطيني نتيجه مرضيه

وبعدها ارطب شعري بالكريم واحبس الترطيب بالزبده وانا مسويتها هي عباره عن كركار سوداني (ودك) وزبدة الشيا مع زيوت. انا حطيت زيت عطري عشان يخفف من ريحة الودك وفعلاً خففها كثير بس فيه ريحه بسيطه جداً لكن احط عطر للشعر وتختفي. شوفوا الكريم الي بصوره بكل امانه ماحبيته ولا عجبني ريحته اكليل جبل خالص ومن غير ملمسه باليد مو لطيف فاما انصح فيه

معلومة اضافيه عن روتين شعري الشهري: انا احط ماسك ترطيب عميق تقريباً مرتين بالشهر واسوي حناء مره بالشهر واسوي تعقيم للفروه مره بالشهر

 اليوم الثاني- عناية الوجه

احب اشيل شعر الوجه بالفلامينجو وجل الصبار. فيه ناس يقولون انها تزيد الشعر، لكن انا ماشاء الله ماصار لي هذا الشيء. طبعاً انا اشيله قبل بيوم من التنظيف العميق او بعده بيوم عشان ما احسس بشرتي لانها تتهيج وقت التنظيف

روتين تنظيف البشرة العميق

١-الخطوه الأولى اغسل وجهي بالغسول وطبعاً اغسل يدي قبل ما اغسل وجهي لأن يدنا فيها جراثيم وممكن ننقلها لبشرتنا وتتحسس وتطلع حبوب

٢-اسوي بخار لبشرتي لمدة ٥ دقايق

٣-اشيل الدهون والرؤوس السوداء

٤-بعدها اسوي سنفره لوجهي لمدة خمس دقايق تقريبا

٥-اغسل وجهي بالغسول للمره الثانية

٦-احط ماسك واغسله بمويا

ترطيب البشرة بعد التنظيف

١-احط شويت ماء الورد في قطن وامسح فيه بشرة وجهي .لأنه يخفف التهيج ويعتبر نفس التونر لكن طبيعي

٢-احط سيروم الهالرونيك و فيتامين أ على البشره كامله اما الريتنول تحت العين فقط

٣- اخر شيء احط المرطب

اليوم الثالث - تشقير الحواجب

انا اشقر حواجبي في البيت واخذت الطريقه من النت و استخدم صبغه سوداء. نسيت لاشتري المشقر فعشان كذا ماحطيت لكم صورته🫠

اليوم الرابع- عناية الشفايف والأسنان

١-احب احط المبيض باسناني قبل ما ابداء في عناية الشفايف

٢- اقشر شفايفي بسكر وعسل وشويت زيت زيتون واغسله بمويا. بعدها احط شويت خل تفاح بمنديل واحطه عليها لمدة ٣ ثواني ما اكثر لانه يحرق وبعدها اغسل شفايفي بمويا فقط

٤-اطبق المرطب على شفايفي

اليوم الخامس- عناية الجسم

١-كورس التقشير

١-انا زمان كنت اسوي حمام مغربي تقريباً مرتين بالشهر .وبعدها صرت اسوي تبريمه مغربيه واخذتها من النت وكانت روعه ماشاء الله. لكن من كم شهر اشتريت هذا الكورس والمفروض التزم باستخدامه عشان اشوف النتيجه بس للأسف ماقدرت. لكن لحد الان اشوفه كويس ، هو عباره عن ليفه و مقشر سكر بالقهوه و صابون مغربي بالنيله الزرقاء و كريم مرطب

بكل امانه انا استخدم مقشر السكر بانتظام ومره روعه ماشاء الله. صحيح انا قبل ما استخدم الكورس او حتى قبل لما كنت اسوي حمام مغربي كنت ما ادهن جسمي بكريم قبلها بثلاث ايام والزيت قبلها باسبوع .لان فيهم مرطب وعازل فا اذا جيتي تقشرين جسمك مارح تشوفين نتيجة

٢-بعدها اغسل جسمي بسائل الاستحمام

٣-وطبعاً بعد الحمام المغربي ارطب جسمي بالكريم واحط بعدها زيت

٢-الليزر

انا استخدم ليزر منزلي من سنين ، زمان كنت استخدم الليزر الي على اليمين مره ممتاز لكن مو مناسب لبشرتي مع اني سألت الموظف قبل ما اشتريه اذا مناسب لي او لا. المهم الجهاز فيه زر اختبار وكان مايشتغل على بشرتي الا بطلوع الروح ، و شفت فيديو له باليوتيوب لقيت وحده بشرتها بيضاء تستخدمه واشتغل معها بسرعه ماشاء الله

فبعد ماخلصت الومضات حقته قررت اشتري جديد ارخص منه الي على اليسار وشفت اختي مجربته وقالت ماشاء الله مره حلو. طلبته ولحد الان ماشاء الله نتيجته طيبه. اذا انتي سمراء هذا الليزر مناسب لك لان للأسف مو أي ليزر يناسبنا . طبعاً هو للجسم وليس للوجه ديروا بالكم من هذي النقطه

اليوم السادس- عناية اليد

١- اقص اظافري وابردها

اجيب بوله فيها مويا دافي وانقع اظافري فيها لدقيقة ، عشان تلين الجلد وتساعدني اشيل الجلد الميت بسهوله

٢-انظف حوالين الأظافر

٣-اشيل الجلد الميت

٤-اقشر يدي بمقشر السكر والقهوة واغسلها بالصابون

٥-ارطب يدي بالكريم

٦-احط زيت حوالين الأظافر واليد كامله

اليوم السابع-عناية الأقدام

انقع رجولي الله يكرمكم بمويا دافيه ،و شويت ملح ،خل تفاح وسائل استحمام او اي صابون سائل لمدة ١٥ دقيقه

١-بعدها اجففها بالمنشفه وابداء اقص الأظافر وابردها

٢-انظف بالعود حوالينهم

٣-اشيل الجلد الميت

٤-ابداء احكها باستخدام الحجر بس استخدمه في بطن رجلي مو من فوق القدم

٥-اقشر قدمي كامل بمقشر السكر والقهوة

٦-اغسل رجولي بالصابون بعد المقشر، فيه ناس ماتهتم بس انا لا ماحب شعور السكر بقدمي الله يكرمكم

٧-ارطب اقدامي واحبس الترطيب بزيت والبس جوارب

ملخص روتين العناية العميق

بس هذي عنايتي العميقه الشهريه لجسمي كامل لمدة أسبوع. انا لما كبرت انصدمت ان كل جزء بجسمنا يحتاج عناية هالقد🫣😪. بس لو نظمنا وقتنا صح رح نقدر نهتم فيه واحنا مبسوطين. ويصير باقي الشهر نعتني عنايه خفيفه . انا حبيت اشاركه معكم الحين عشان يكون فيه وقت تسوون الجدول قبل اخر أسبوع برمضان لأن بكل صراحه يكون ضغط علينا فيه ونبغى ننشغل بالعباده اكثر ويصير معنا وقت براحه الأن

❤️اتمنى انكم استفدتوا ، وشكراً على القراءة واتمنى لكم ليله سعيدة ومريحة